Bashkia e qytetit të Pogradecit ka organizuar një ceremoni përkujtimore për ish- anëtarin të Lëvizjes Nacional- Çlirimtare, Kajo Karafili.
Lidhur me këtë ceremoni ka reaguar studiuesi Erald Kapri, i cili e ka cilësuar Kajo Karafilin si një kriminel lufte pasi në vitin 1940 ka vrarë në mes të qytetit patriotin Neki Starova.
Këtë ceremoni, Kapri e cilëson si një provokim të kryetarit aktual të Bashkisë së Pogradecit, Ilir Xhakolli ndaj familjeve që u persekutuan dhe vuajtën gjatë regjimit komunist për 45 vite.
Postimi i plotë i Erald Kaprit:
Kryetari i emëruar i Bashkisë së Pogradecit, po shkon përtej imagjinatës duke provokuar rëndë familjet që vuajtën gjysmë shekulli përndjekje e persekutime. Me një krenari gati kriminale, i nxitur nga injoranca, ka vendosur sot të bëjë ceremoni zyrtare ndaj një krimineli të sprovuar lufte, vrasësit me pagesë, Kajo Karafilit.
Para se ta bëjë këtë, duhet të reflektojë ndaj familjes së madhe kombëtare Starova. Në 1940, Kajo vrau në mes të qytetit patriotin e njohur Neki Starova.
Cila ishte arsyeja e kësaj vrasje z kryetar i emëruar?! Ky krim është shënjuar fort në memorien e çdo pogradecari. Shpjegoje pak në fjalimin që do mbash për fanatikët e diktaturës.
Në 1940 nuk ishte krijuar partia dhe akoma rezistenca e organizuar. Ndaj, mjafton ky rast për t’u tërhequr sa je në kohë, ndryshe gjeje një justifikim për gjithë ato familje që kërkojnë ende drejtësi./Opinion.al/
