Duke nisur nga mbrëmja e sotme një pjesë e vendit pritet që të përfshihet nga vala e dytë e motit të keq me reshje shiu dhe ulje temperaturash.
Meteorologët bëjnë me dije se pjesa e parë e stuhisë goditi në fundjavë, ndërsa reshjet e dendura do të rikthehen sonte për të vazhduar të enjten dhe të premten për t’u përmirësuar më pas moti në fundjavë.
Shqipëria nuk do të jetë e vetmja që pritet të goditet nga stuhia, gjithashtu fenomeni do të godasë edhe vendet e tjera të rajonit.
Kanë qenë mediat greke ato që kanë publikuar hartën ku do të godasë moti i keq me stuhi, reshje dhe breshër, që kap pjesën e lindjes dhe jugut të Shqipërisë./Opinion.al
