Zjarri ka përfshirë shumë zona në gjithë Australinë, ndërkohë që kjo periudhë është me temperatura tejet të larta në këtë kontinent, të cilat kanë arritur 40 gradë Celsius në secilin shtet. Gjatë kësaj të hëne pjesa e madhe e zjarreve janë raportuar në shtetin e Viktorias.
Rreth 30,000 banorëve dhe turistëve u është bërë thirrje që të largohen nga East Gippsland, rajoni i populluar për festa, por evakuimet rezultuan shumë të rrezikshme pasi zjarret kanë arritur në akset kryesore.
Nëntë persona kanë vdekur si pasojë e zjarreve që prej muajit shtator.
Viktoria është prekur më shumë nga zjarret të hënën pasi temperaturat janë rritur, erërat janë shtuar dhe stuhitë kanë krijuar kushte të rrezikshme. Paralajmërime urgjente për zjarret kanë nisur edhe në Australinë e Jugut, Uellsin e Ri Jugor dhe Tasmaninë.
Zonat e Sidnejt, Uellsit i Ri Jugor kanë nënshkruar një peticion duke bërë thirrje për anulim të fishekzjarreve për festën e Vitit të Ri, në mënyrë që ato para të shpenzohen për luftimin e zjarreve.
Nga ana tjetër autoritet janë shprehur se do të vazhdojnë me realizimin e planit për festa./Opinion.al/
