LSI nuk e mbështeti sot PS-në në Vlorë, teksa u shkarkua kreu i këshillit të qarkut Vlorë, Sadrit Danaj. Ky i fundit kishte kaluar me lëvizjen “Zgjidhja” të Koço Kokëdhimës ndaj ishte i padëshirueshëm për socialistët. Mbledhja pati debate të ashpra mes Danajt, kryebashkiakut Lelaj dhe socialisteve te tjere, madje edhe përleshje fizike pasi Danaj dyshonte se procesi i votimit është i manipuluar.
Gjithsesi në fund, me 15 vota pro ai u shkarkua dhe në vend të tij u vendos Ervis Moçka. Prezent në mbledhje ka qenë edhe ministri Damian Gjiknuri.
Por pse nuk mori pjesë LSI në votim?
Kjo forcë politike përmes një deklarate, ka sqaruar se: “LSI kërkoi që të njihet me materialin (mocionin për votëbesimin të kryetarit) pasi nuk mund të bëheshim pjesë e një procesi që cënon rregulloren e Këshillit të Qarkut”.
Sipas LSI, nuk kanë rëndësi emrat, por procesi. “Grupi ynë kërkoi pushim për të marre nje vendim, por ndërkohë grupi i PS e futi në rend dite pa pritur kthimin e përgjigjes nga LSI-ja. Në këto kushte nuk mund të bëheshim pjesë e arrogancës dhe përfshirjes në një proces farsë”, u shprehen në komunikatë këshilltarët e LSI në qarkun e Vlorës.
Video e sherrit ne keshille, Danaj kerkon te shohe fletet e votimit
