Deputeti i Partisë Demokratike Ferdinant Xhaferraj në një konferencë për mediat, është shprehur se nuk ka votuar për largimin e deputetëve të cilët u përjashtuan ditën e djeshme nga grupi parlamentar.
Teksa tha se lajmin e ka marrë vesh nga mediat Xhaferraj, e cilësoi vendimin si maskaradë në dimensionin demokratik që ka kjo vendimmarrje.
“Janë kolegë të respektuar që u rri shumë kostumi i deputetit opozitar. Unë jam njohur nëpërmjet medias dhe flet shumë për dimensionin demokratik që ka pasur procesi i vendimmarrjes. Jam marrë dhe do të merrem me qeverinë. 4 deputetët janë të respektuar. Jam informuar në media dhe tregon për maskaradën e dimensionit demokratik që ka kjo vendimmarrje. Kjo flet shumë dhe për kolegët dhe për qytetarët shqiptare. Asnjëherë nuk kam votuar apo firmosur për përjashtim kolegësh. Nuk kam votuar kurrë që dikush të përjashtohet.’- u shpreh Xhaferraj.
Ndër të tjera ai theksoi se çdo iniciativë që fuqizon opozitën do të ketë mbështetjen e tij.
“Unë jam marrë dhe merrem me qeverinë, për të tjerët që duan të merren brenda opozitës nuk kam koment. Unë kam qenë një nga bashkëpunëtorët e afërt të Berishës gjatë kohës së qeverisjes së tij kemi diçka pozitive, sikurse kam menduar që Berisha bashkon shumë mirë një pjesë demokratëve, ka vështirësi t’i bashkojë dhe gjithë dhe po ashtu një pjesë të elektoratit gri, kjo është ajo që na ndan. Theksoj, të kesh kritika brenda opozitës…Ditën që Rama afron Agron Celën opozita largon Agron Shehaj, e kuptoni!? Unë kam firmosur dhe do të vazhdoj të firmos çdo kërkesë që fuqizon opozitën dhe do të qëndroj kundër regjimit. Zotin Salianji këtu do ta keni dhe do ta pyesni drejtpërdrejt. Nuk nisem se çfarë qëndrimesh kanë individët, e them për të disatën herë; Unë e theksoj se çdo iniciative që fuqizon opozitën do të ketë mbështetjen”-tha deputeti i PD.
