Kreu i PD, Sali Berisha në një deklaratë për mediat jashtë selisë së Partisë Demokratike ka komentuar vendimin e Enkelejd Alibeaj për përjashtimin e katër deputetëve Oerd Bylykbashi, Belind Këlliçi, Tritan Shehu dhe Agron Shehaj nga grupi parlamentar i PD-së me argumentin se nuk janë distancuar nga dhuna e ushtruar ndaj PD-së.
“Zbatonjësi mjeran i urdhrave të Edi Ramës. I keqpërdorur në shkallën më ekstreme nga Edi Rama. Zbatoi një urdhër të Edi Ramës duke shkelmuar dhe më shumë mbi dinjitetin e tij.
E ardhmja e grupit parlamentar, do jetë një grup i cili do të mbrojë me gjithë potencialin e vet interesat e qytetarëve. Do bëjë gjithçka për të shumëfishuar kontrollet.
Kjo qeveri nuk ka se ku ta kapësh më parë. Rasti i Alda Klosit mund të jetë secila nga ministret, secila nga ministrat, vetë Edi Rama, emra të tjerë”-tha Berisha.
