Ivan Perisic dëshiron të largohet nga Interi në fund të sezonit, pasi sipas medieve italiane raportet e tij me Frank de Boer janë të tensionuara.
Mesfushori anësor i ardhur nga Wolfsburg verën e kaluar ka qenë mbresëlënëse për Nerazzurrët deri më tani këtë sezon.
Megjithatë, calciomercato.com raporton se reprezentuesi kroat ka kërkuar nga agjenti i tij për t’i gjetur atij një klub të ri në fund të sezonit, pasi mendohet se Perisic ka një marrëdhënie të tensionuar me trajnerin Frank de Boer, dhe dëshiron të luajë në Ligën e Kampionëve.
Përveç kësaj, Perisic mendohet se është i irrituar nga paga e tij, me nënshkrimin e ri, brazilianin Gabriel Barbosa, i cili fiton më shumë se ai.
Kampionati anglez, Liga Premier besohet të jetë destinacioni i preferuar i 27-vjeçarit, edhe pse nerazzurrët janë duke shpresuar se një kontratë e re e përmirësuar do të bindë atë për të qëndruar.
