Holanda ka njoftuar një bllokim të vendit për Krishtlindje mes shqetësimeve për variantin e koronavirusit Omicron.
Dyqanet jo thelbësore, shkollat, baret, restorantet dhe objektet e tjera publike do të mbyllen të paktën deri në mes të janarit. Kryeministri Mark Rutte tha se kufizimet ishin “të pashmangshme”.
Kjo fazë shënon rregullat më të rrepta që janë shpallur mbi Omicron deri më tani, ndërsa vendet në të gjithë Evropën kanë shtrënguar kufizimet.
Rregullat e reja në Holandë, të cilat hyjnë në fuqi të dielën, u njoftuan pas një takimi midis qeverisë dhe ekspertëve të shëndetësisë.
“Holanda po mbyllet përsëri. Kjo është e pashmangshme për shkak të valës së pestë që po na vjen me variantin Omicron,” tha zoti Rutte në një konferencë shtypi.
Instituti Kombëtar Holandez për Shëndetin Publik ka raportuar më shumë se 2.9 milionë raste të koronavirusit që nga fillimi i pandemisë dhe mbi 20,000 vdekje./Opinion.al
