Iraku ka shënuar dy viktimat e para nga koronavirusi.
Lajmi u bë i ditur nga Ministria e Shëndetësisë e cila njoftoi se nga virusi kanë humbur jetën një grua me sistem të dobët imunitar dhe një burrë që vuante nga sëmundje kronike. Të dy të infektuarit kanë ndërruar jetë të mërkurën në Bagdad.
Përpos raportimeve zyrtare nga Ministria, ka dyshime edhe për vdekjen e një kleriku 70-vjeçar në rajonin kurd të Sulejmanias.
Zyrtarët kurdë kanë thënë se vdekja e tij erdhi si rezultat i COVID-19, por Ministria e Shëndetësisë ka thënë se kjo nuk është konfirmuar ende.
Sipas të dhënave të përditësuara nga Organizata Botërore e Shëndetësisë, Iraku ka 34 raste të prekura me koronavirus. Shumica e tyre lidhen me Iranin fqinj, ku sëmundja ka shkaktuar 107 viktima dhe ka prekur mbi 3,500 të tjerë./Opinion.al
