Dy javë pasi u ndalua në Rinas me dyshimin se kish kryer përgjime në Shqipëri, 51-vjecari izraelit Yoram Frig mund të largohet lirisht nga Shqipëria pasi hetimet ndaj tij kanë pushuar.
Vendimi është marrë nga prokurori Ndini Tavani i cili pas ekspertizës së pavarur ka marrë përgjigjen se pajisja “Omni Spectral Correlator 500” nuk kryen përgjime por është vetëm një lokalizues çimkash. Prokurori Tavani ka vendosur dhe kthimin e pajisjes dedektuese në pronësi të izraelitit.
Ai vetë kishte deklaruar se ka ardhur në Shqipëri si i i punësuar nga një biznesmen për të çmontuar përgjuesit e mundshëm në ambientet e zyrës, shtëpisë apo makinës. Në media u aludua se bëhet fjalë për biznesmenin-deputet Tom Doshi. Por gjithashtu detektivi Yoram Frig ka pohuar se në Shqipëri ka ardhur edhe herë të tjerë për të njëjtin shërbim por për persona të ndryshëm që dyshonin se po përgjoheshin.
