Dy vëllezër shqiptarë janë vënë në pranga për shpërndarje droge në veri të Italisë.
Donard dhe Ledi Llubani, përkatësisht 25 dhe 28 vjeç, ishin prej disa javësh nën përgjimin e policisë së Carmignanos në Brenta, pasi të rinjtë kishin shfaqur dyshime tek efektivët për aktivitete të jashtëligjshme.
Sipas policisë, të rinjtë shqiptarë së bashku me një mashkull rumun, kishin kohë që shpërndanin droge në zonën e Boschit.
Arrestimi ndodhi gjatë fundjavës, kur të tre shtetasit u kapen teksa udhëtonin me makinën e tyre.
Dy vëllezërit shqiptarë kishin fshehur drogën të llojit kokainë në një kavanoz të cilin e hodhën sapo u ndaluan nga efektivët.
Policia sekuestroi 11 gram kokainë dhe një peshore me të cilën masnin dozat e kokainës. Të dy vëllezërit Llubani ishin gjykuar dhe më parë nga autoritet italiane./ TV KLAN
