Kryesore

Përgjimet pa urdhër prokurori, PD reagon për propozimet e qeverisë


               Publikuar në : 18:37 - 13/02/20 |
Al Do

Në kuadër të paketës “antiKÇK”, qeveria ka depozituar në Kuvend 5 projekt-ligje. Një ndër to që ka ngjallur edhe debat është ai që parashikon ndryshime në ligjin për Policinë e Shtetit. Konkretisht ndryshimet në nenin 131 Policia e Shtetit mund të kryejë përgjime ambientale dhe filmime të personave të dyshuar për veprimtari kriminale, pa marrë një aprovim nga Prokuroria.

LEXO EDHE – Paketa “anti-KÇK”, zbardhen ndryshimet në 5 ligje

Për këto ndryshime ka reaguar Partia Demokratike nëpërmjet Sekretarit të saj të Përgjithshëm, Gazment Bardhi.

Ai i ka cilësuar ndryshimet e propozuara si shkelje të Kushtetutës dhe të drejtave të njeriut

Edi Rama po zëvendëson shtetin ligjor me një regjim policor, në shkelje të Kushtetutës dhe në dhunim flagrant të të drejtave të njeriut. Ligji për përgjimin e qytetarëve nga Policia, pa autorizim të prokurorisë apo pa vendim të gjykatës, thellon sjelljen antidemokratike të Edi Ramës dhe minon seriozisht rrugën europiane të Shqipërisë. Për Partinë Demokratike ligji është antikushtetues dhe i papranueshëm”, ka shkruan në Facebook Gazement Bardhi.

Ndryshimet e propozuara të qeverisë pritet të kalojnë fillimisht në shqyrtim në komisionet parlamentare ndërsa menaxhimi i aseteve të subjekteve të OFL-së do të shqyrtohet me procedurë të përshpejtuar dhe miratohet në Kuvend javën tjetër. /Opinion.al

Pas