Aktiviteti kriminal i Moisi Habilajt në Itali është kryer sërish ditën e sotme në kryefjalë të mediave italiane. Mediat këtë të mërkurë kanë publikuar një përgjim të regjistruar brenda një makine BMW X3 në 9 prill të 2019.
Në artikull shkruhet se brenda makinës ndodheshin tre persona mes të cilëve dy trafikantë shqiptarë Julian Hoxhaj, Indrit Karafili dhe një i ri 26-vjeçar nga Katania.
Ajo që bie në sy gjatë shkrimit është miqësia e veçantë mes Moisi Habilaj me Natalino Nizza (djali i një bosi droge) në korridoret e burgut të Bicocca. Teksa brenda makinës BMW X3 dëgjohet gjithashtu duke diskutur edhe për pazaret e drogës mes palëve.
“Ata e braktisën atje, pa para dhe rroba. Natalino i dha para, rroba dhe kur mori paratë, Moisiu i bleu një kostum të Juventusit”, është një pjesë e bisedës.
Ndërkohë në bazë të hetimve thuhet ndër të tjera se miqësia mes Habilajt dhe Nizza-s i hapi rrugën biznesit të drogës të Hoxhajt dhe Karafilit në Katania.
“Përgjimet mjedisore, shkruajnë hetuesit, zbulojnë se Natalino Nizza ishte i interesuar të kishte një marrëdhënie të qëndrueshme me shqiptarët për blerjen e marijuanës, fillimisht me 30 ose 40 kilogramë.Unë e kam mbaruar punën time, tani dua paratë e mia”, i tha Karafili një burri shqiptar gjatë një prej shumë udhëtimeve të tij në Katania.
Ndër të tjera në shkrimin e medias italiane bëhet me dije se në këtë makinë ndodhet dhe një tjetër person, i cili kishte rolin e ndërmjetësuesit dhe kishte njohuri mbi biznesin e drogës e më gjerë.
Në dialog ai përmend edhe Habilajn në lidhje me një vizitë në Katania “nga gruaja e dytë e Moisiut, policja”.
Pretendohej që në në çdo rast, përfshirë këtu edhe mosmarrveshjet e mundëshme, biznesi do të kishte vazhduar në rrugën Pulia-Siçili. Një rrugë e konsoliduar tashmë për klanet shqiptare që importojnë sasi të mëdha droge në Itali.
“Trafikimi i marihuanës në Shqipëri ka qenë i paligjshëm për tre vjet – shpjegoi ndërmjetësuesi në një dialog që daton nga viti 2019 – që kur erdhi ajo copë m*ti… deri para tre vitesh ishte kështu … 10 përqind u mor nga shteti” . Sidoqoftë, nuk është e qartë se kujt i referohet burri.
Ndërkohë kujtojmë se Moisi Habilaj, trafikanti shqiptar i drogës i cili përfundoi pas hekurave në tetor 2017, tashmë ndodhet në arrati dhe rezulton i zhdukur që nga 9 janari./Opinion.al
