Kryeministri Edi Rama në një dalje për mediat, është pyetur nga gazetarët edhe lidhur me përgjimet e anitmafias italiane, ku nga personat e përgjuar përmenden ndër të tjerë edhe Kryebashkiaku i Tiranës dhe flitet për qeverinë në Shqipëri.
Rama është shprehur se përmendja e emrit të një personi nga një person i tretë nuk e bën këtë person përgjegjës, ndërsa ka hequr një paralele për përmendjen që i është bërë Presidentit dhe këshilltarit të tij. Rama tha se ka të njëjtin qëndrim edhe për rastin e Presidentit.
Kryeministri shprehet se çështja është ezauruar nga prokuroria italiane, e cila ka një konkluzion, në të cilin thuhet qartë se personat e lidhur me mafien nuk kanë investuar në Shqipëri.
“Nëse Ilir Meta përmendet aty, nëse përmendet aty këshilltari i tij që njihet si tregtar lajmesh të rreme nga gjykata italiane, për t’i bërë nënën vendit këtu, unë kam të njëjtin qëndrim edhe për ata. E po pastaj? Ata mund të kenë njohje direkte me ata njerëz, po pastaj? Përderisa prokuroria italiane ka dhënë këtë konkluzion në atë që e lexova tre herë, ku hyn tani spkekulimi këtu?.
Nga ky hetim rezulton se një deputet që është lidhja e tyre atje, ka marr goditje. Ai deputet njihet botërisht që është mik i Lulzim Bashës dhe lidhjet e tij janë me të djathtën. Po pastaj çfarë duhet të them unë? Që Basha priste këtë deputetin dhe i jep fjalën që do mbronte mafiozët?
Nuk e them kurrë, sepse e dua Shqipërinë më shumë se ju dhe kam shumë kujdes kur flas edhe për kundërshtarët e mi, që çfarë i takon Çezarit të shkojë tek Çezari dhe çfarë i takon Zotit të shkojë tek Zoti dhe Zoti është Shqipëria”, u shpreh kryeministri./Opinion.al
