Kryeprokurori, Olsian Çela, teksa është pyetur këtë të enjte nëse në Shqipëri ka nisur ndonjë hetim, për përgjimet e mafies italiane “Ndrangehta”, tha se është detyrë e çdo prokurori që të nisë hetimet. Më tej Çela deklaroi se prokurorët janë të pavarur në detyrën e tyre.
“Nuk kam informacion për këtë që po pyesni, por keni humbur shansin të pyesnin 270 prokurorë të pavarur, të cilëve ligji i ri u mundëson të nisin hetimet, kryesisht, për çdo fakt penal për të cilët vihen në dijeni. Prokurori i Përgjithshëm ka marrë masat që garantojnë prokurorët të veprojnë në pavarësi të plotë”, tha Çela. Përgjimet italiane tregojnë se zyrtarë dhe kriminelë italianë komunikojnë mes tyre për investime në Shqipëri, kryesisht në fushën e shëndetësisë dhe ndërtimit.
Kjo deklaratë e Çelës erdhi pas mbledhjes së Këshillit të Lartë të Prokurorisë për zgjedhjen e 2 anëtarëve të rinj. Vakancat u krijuan pas shkarkimit nga vettingu të Besnik Canit dhe Arben Dollapajt. 5 prokurorët në garë janë përballë zgjedhjes që do të bëjnë 273 prokurorë në total./Opinion.al
