Aktualitet

Përgjimet e SPAK, si u zbulua përfshirja e Edvin Prifti në korrupsion


Bëhu pjesë e Grupit Zyrtar të Opinion.al
>> KËTU <<
               Publikuar në : 15:36 - 12/02/21 |
Semiljana Azizi

Ditën e djeshme SPAK në qytetin e Krujës, ka bërë të mundur arrstimin e 10 personave dhe procedimin ne gjendje të lirë të 3 të tjerëve, mes tyre dhe mjekun e njohur të QSUT, Edvin Prifti.

Report tv ka zbardhur një pjesë të dosjes hetimore të SPAK, pikërisht në momentin kur nëna e kryesekretares lë spitalin pas një ndërhyrje kirurgjikale ndërsa kartela ka patur shënimin “urgjent” dhe është ndjekur nga doktor Prifti.

Ndërkaq, kur SPAK ka trokitur në zyrën e doktorit për të sekuestruar kartelën e Besnike Mallkuçit, doktori ka kërkuar infermieren për takim, teksa i ka thënë të flas me Manuelën, kryesekretaren e Gjykatës së Krujës. Në pak minuta diferencë rezulton se infermierja telefonon kryesekretaren duke i thënë se ka ardhur SPAK.

Pasi e mëson këtë gjë Manuela Mallakuçi dhe Trëndafile Fagu vendosin të mos tregojnë asgjë, ndërsa biseduesit po ashtu përmendin gjatë komunikimit se doktori kishte shumë para.

Pjesa më poshtë, është e shkëputur nga dosja hetimore:

“Në datën 09.02.2021, ora 10:15. në zbatim të vendimit të Prokurorit, policia gjyqësore ka kqyrur dhe marrë me cilësinë e provës materiale kartelën mjekësorë të shtetases Besnike Mallkuçi. Nga kjo kartelë rezulton se shtetësja Besnike Mallkuçi është shtruar në spital në datën 06.07.2020, ora 09:20. me shënimin “urgjent” dhe ka dalë nga spitali në datën 15.07.2020. Gjithashtu, referuar kartelës mjekësore rezulton se mjeku përgjegjës për këtë paciente ka qenë pikërisht doktori kardiokirug Edvin Prifti. Gjatë kohës që Policia Gjyqësore po kqyrte dhe merrte kartelën mjekësore të shtetases Manuela Mallkuçi, i hetuari Edvin Prifti telefonon shtetasen Trëndafile Frangu (File) dhe i Erkon Files që të shkojë t’a takoje (biseda realizohet në datën 09.02.2021, ora 10:25).

Ndërkohë që në datën 09.02.2021, ora 10:23 Emanuela Mallkuçi, ka biseduar me nënën e saj ku ndër të tjera i thotë se e kishte marrë Filja në telefon, e cila i ka treguar kishte shkuar SPAK-u he po verifikon Edvinin dhe ka kërkuar dosjen e mamasë tënde. Në këtë bisedë, Manuela ulet shumë e shqetësuar dhe duket se bien dakort që të mos thonë asnjë gjë në lidhje me dhënien e parave në orën 10:57, të datës 09.02.2021, doktori Edvin Prifti telefon i shqetësuar Filen (Trëndafile rangu) dhe i kërkon që të shkojë t’a takojë sërish në zyrë. Në orën 11:22, të datës 09.02.2021, Trëndafile Frangu të cilës, ndër të tjera i shpjegon se e kishte kërkuar Edvini dhe e kishte pyetur për një kartelë të marrë sot. Në këtë bisede dy bashkëbisedueset flasin se doktori ka shumë para etj, etj”, thuhet në dosje.

Sekretarja e Gjykatës së Krujës Manuela Mallakuçi ka qenë nën përgjim, teksa në një prej shumë bisedave që ka kryer, Mallakuçi është kapur duke folur me Priftin që t’i kryente një operacion jashtë radhe nënës së saj. Kjo gjë ka bërë që prokurori Altin Dumani të nisë një hetim për korrupsion për mjekun Prifti.

Kujtojmë që emri i Edvin Priftit doli rastësisht nga përgjimet që po kryheshin në Gjykatën e Krujës. Gjatë kontrolleve në zyrë dhe në banesë mjekut iu gjetën 250 mijë Euro dhe 16 mln leke cash./Opinion.al

Pas