Pas publikimit të përgjimeve të organizatës kriminale “Ndrangheta”, Partia Demokratike ka vijuar akuzat ndaj kryeministrit Edi Rama dhe kryetarit të Bashkisë së Tiranës, Erion Veliaj.
Referuar përgjimeve, kreu i PD, Lulzim Basha i ka bërë thirrje SPAK që të nis urgjentisht hetimet për të zbuluar përfshirjen e krybashkikaut Veliaj në aktivitetin e ”Ndrangheta”.
“I bëj thirrje SPAK të hetojë bashkëpunimin e mafias me kryebashkiakun. Nuk ka asnjë arsye në botë pse SPAK-u të mos kërkojë me urgjencë, nga anti-mafia italiane, nga prokurorët anti-mafia, fashikujt e këtij hetimi dhe të nisë urgjentisht hetimet.”-shkruan Basha.
Në përgjimet e publikuara në media, është zbuluar dhe aktiviteti i këtij grupi kriminal në vendin tonë. Në bisedat e përgjuara flitet dhe për ndërtime kullash në Tiranë, me qëllim pastrimin e parave. Po ashtu, flitet edhe për korruptimin e zyrtarëve të lartë shqiptarë.
Ndërkohë, një pjesë e përgjimeve janë publikuar nga “Report Tv”, ku thuhet se gjatë një bisede mes Antonio Gallo dhe Ercolle D’Alessandro është përmendur dhe Presidenti i Shqipërisë./ Opinion.al
I bëj thirrje SPAK të hetojë bashkëpunimin e mafias me kryebashkiakun. Nuk ka asnjë arsye në botë pse SPAK-u të mos kërkojë me urgjencë, nga anti-mafia italiane, nga prokurorët anti-mafia, fashikujt e këtij hetimi dhe të nisë urgjentisht hetimet. pic.twitter.com/u5tmRrElUR
— Lulzim Basha (@lulzimbasha_al) January 23, 2021
