Deputeti i Partisë Demokratike, Ervin Salianji, të mërkurën ka reaguar në lidhje me përgjimin e dy trafikantëve të drogës, pjesë e dosjes ‘Habilaj’, publikuar me audio nga Politiko.al.
Përmes një shënimi në Facebook, Salianji shkruan se përgjimet e publikuara tregojnë se qeveria i ka bërë ‘nënën’ Shqipërisë.
Ai thekson se risia e këtyre përgjimeve të publikuara ditën e sotme është se Habilajt shfaqeshin me më shumë ndërgjegje se sa shokët e tyre të bandës Rama-Tahiri.
“Këta e dinin atë që di shumica e shqiptarëve, që kjo qeveri për para dhe pushtet “po i bën nënën Shqipërisë!”,-shkruan Salianji.
Postim i plotë:
I kanë …. nënën Shqipërisë”
Habilajt i vret ndërgjegja më shumë se shokët e bandës Rama-Tahiri
Përgjimet audio te grupit Rama-Tahiri-Habilaj të publikuara tek Politiko.al paraqesin dhe me zë atë që gjithë shqiptarët e dinë: që qeveria Rama dhe krimi jane e njëjta gjë!
Por risia sot, ishte që Habilajt gjatë përgjimeve audio ishin me më shumë ndërgjegje se shokët e tyre te bandës Rama-Tahiri!
Këta e dinin ate që di shumica e shqiptarëve, që kjo qeveri për parà dhe pushtet “po i bën nënën Shqipërisë!
