Agron Shehaj, ish-deputeti i Partisë Demokratike, ka reaguar përsëri në lidhje me përgjmet e publikuar nga gazeta gjermane “Bild”.
Përmes një postimi në “Facebook”, Shehaj shprehet se mënyra se si justifikohet ish-ministri Damian Gjiknuri tregon qartë konceptin që ai ka për sundimin e ligjit.
Ish-deputeti demokrat, thekson se duhet të ndëshkohen politikanët e korruptuar, pasi vetëm kjo është rrugëdalja e vendit nga mjerimi.
Postimi i Shehajt:
Mënyra si Damian Gjiknuri gënjen dhe justifikon me pafytyrësi bashkëpunimin me kriminelë tregon se ai nuk e ka problem të bëjë, as vjedhjen, as krimin. Sot juristi, deputeti, dhe 6 vjet ministri Gjiknuri tregoi qartë edhe se cili është koncepti i tij sundimit të ligjit: ata kishin ca të fortë, prandaj edhe unë mora ca të fortë kundër të fortëve të tjetrit!
Ish ministri dhe kryetari i komisionit për reformën zgjedhore pavarësisht se u kap duke vjedhur dhe transferuar 20 mln euro në Delaëare, u përgjua duke blerë votat dhe duke bashkëpunuar me krimin në zgjedhjet e 2015, as nuk u mor i pandehur dhe as nuk u thërrit në pyetje nga prokuroria.
Në vendin më të varfër dhe të korruptuar në Europë, arrestimi i politikanëve të korruptuar si Rama, Gjiknuri, Dako, Veliaj etj, që mendojnë se janë mbi ligjin, jo vetëm që është i mundur por është e vetmja mundësi që ka populli shqiptar për të dalë nga mjerimi.
Po nuk mori fund pandëshkueshmëria e politikanëve, shqiptarët do të vuajnë nga varfëria, autokracia dhe izolimi edhe për shumë dekada./ Opinion.al E.Xh.
