Opinion.al publikoi ditën e djeshme një koment me titull: A është paguar Panajot Barka nga qeveria greke për destabilizimin e Shqipërisë?
Në lidhje me këtë shkrim ka reaguar nëpërmjet një mesazhi në adresë të kryeredaktores së “Opinion”, Desada Metaj, edhe vetë z. Barka i cili i quan shpifje të thënat në shkrim (Mesazhi i plotë në fund të këtij shkrimi)
Fillimisht zotëria në fjalë duhet të ndajë me veten nëse është z. Panajot Barka shqiptar i lindur në Bodrishtë të Gjirokastrës, që paguhet si lektor nga taksapaguesit shqiptarë siç edhe shkruan në CV e tij, apo Qirie Panajotis Barkas grek siç i referohen në Greqi apo e shkruan emrin e tij në rrjetet sociale.
E dyta, lidhur me foton që ilustronte shkrimin ku z. Barka apo Barkas shëtiste me kallash në jugun e Shqipërisë në vitin 1997, zotëria po të ishte i vëmendshëm dhe të mos merrej me hijen diellore të gjalmit të kallashit që mban në krah, do kishte vënë re që kjo foto është e markuar dhe ka një autor.
Lidhur me pretendimet për shpifje, cila është shpifje z. Barka apo Barkas, që ju paguheni për të dhënë leksione në një Universitet Publik Shqiptar si ai i Gjirokastrës, dhe e përdorni pozicionin tuaj të punës për të propaganduar panhelenizmin në Shqipëri.
A mundet të na kthesh një përgjigje z. Barka apo Barkas, në cilësinë e Shefit të Departamentit të Gjuhës, Letërsisë dhe Qytetërimit Grek, a jeni ju në dijeni të dokumentarit “Heronjtë luftojnë si grekët”, që qëndron edhe sot i publikuar në faqen zyrtare të Departamentit që drejtoni, ku thuhet
“Zona e Epirit, Gjirokastra dhe jugu kanë qenë Greqi, Shqipëria nuk ka ekzistuar kurrë”
E dini që nëse do të kishte një shtet serioz shqiptar sot jo vetëm nuk do të ishit në pozicionin e punës që mbani por do të ishit në akuzë për përhapje të irredentizmit.
Fakti që edhe pse media këtu foli shumë për këtë dokumentar dhe ju se keni parë edhe sot të arsyeshëm ta hiqni nga faqja e Departamentit që drejtoni, është mjaftueshëm një vepër penale që meriton të merret në konsideratë nga organet ligjzbatuese
Cila është shpifje z. Barka apo Barkas, që media greke është e investuar plotësisht në mbrojtjen tuaj sa herë dikush ka një mendim të kundërt me shfaqjet e tua irredentiste.
Ti e njeh më mirë gënjeshtrën, siç u hoqe I sëmurë disa netë më parë duke mashtruar me qëllim për të vrapuar në një ekran tjetër.
Për këtë nuk ta kemi frikën.
Meqënëse je lektor i qytetërimit grek, paguhesh nga shqiptarët por përdor keq edhe gënjeshtrën më mjafton të të përkufizoj vetëm me një thënie të Sokratit
“Gënjeshtrat nuk janë të keqija në vetvete por infektojnë shpirtin me te keqe”
Dhe ti z.Barka apo Barkas, duket se e ke shpirtin e infektuar me të keqe.
Për sqarim meqenëse hiqesh edhe si gazetar, nuk ka shkrim anonim, ka shkrim redaksional.
Reagimi i plotë i z.Barka
Pershendetje Desada! Lexoj tek portali Opinion nje koment anonim qe me drejtohet mua. Se pari pra eshte pa emer autori Se dyti eshte fund e krye nje shpifje qe konsumon vepren penale te shpifjes dhe te nxitjes se urejtjes nacionale!
Se treti perdor ne ligjerate te drejte deklarata qe une kurre nuk i kam bere!
Se katerti fografia eshte nje montazh I keq . Jo vetem qe une kurre nuk kam mbajtur arme por per te kuptuar montazhin kontrollo me sy te lire hijen e armes dhe hijen e pjeseve te tjera ne trup (Kane drejtime te ndryshme pra marrin drite nga drejtime te ndryshme gje qe nuk mund te ndodh be nje foto normale) shiko edhe bashkimin e dores qe mban armen Duket ashiqare qe eshte montim I keq gje qe e perforcon dhe krahasimi i trashesise se pellembeve te duarve.
Pra komenti anonim eshte nen pergjegjesine e portalit, ndertohet pa asnje fakt, por mbi bazen e shpifjen dhe foto te montuara trashe. Si I tille komenti eshte tendecioz me qellim te hapur denigrimin e figures time dhe ngjalljen publike te urejtjes nacionale ndaj personit tim . kjo nuk perben sjellje dinjitoze per portalin tuaj dhe marredhenien tone be nivel shoqeror, behet ndaj nje bashkepuntori tuaj dhe per me keq ndodh dy dite pas dialogut tone jo te kendshem pavaresisht perpjekjes time per te qene luajal dhe per te kerkuar me miresjellje mirekuptimin tend.
Besoj se kjo situate do te marre fund nga ana Juaj duke respektuar etiken e gazetarise te cilen besoj se e njihni shume mire.
Duke Ju falenderuar per mirekuptimin
Panajot Barka
