Një autobus ka përplasur 4 persona në Holandë pas koncertit të Bruno Mars, në orët e para të mëngjesit të së hënës. Si pasojë 1 nga të aksidentuarit ka vdekur dhe tre të tjerët janë plagosur rëndë, raporton “The Guardian”. Sipas deklaratës së policisë, autobusi është larguar nga vendi i ngjarjes, ndërsa kanë filluar kërkimet. Dëshmitarët u shprehën se autobusi ishte ngjyrë të bardhë dhe i vogël.
Incidenti ndodhi në koncertin “PinkPop”, një festival popullor që u mbajt në provincën Limburg në jug të Holandës.
Policia tha se rruga ku ndodhi incidenti, ështe mbyllur për të kryer hetimet.
Autoritetet kanë paralajmëruar njerëzit të jenë të vëmendshëm për një Fiat Diablo me numrin 257 si pjesë e targës së tij.
Në vendin e ngjarjes kanë shkuar një helikopter, disa autoambulanca, dhe forca të shumta policie.
Bruno Mars mbylli koncertin tre-ditor mbrëmjen e së dielës, disa orë para se incidenti të ndodhte./Opinion.al
