Kreu i grupit parlamentar të Aleanca për Ndryshim, Fatmir Mediu ka dhënë një prononcim për mediat pas përfundimit të takimit me Taulant Ballën.
Ai u shpreh se me Ballën është rënë dakord që të shtyhet data e Konferencës së Kryetarëve, gjë që e ka kërkuar edhe përfaqësuesja tjetër e opozitës, Mesila Doda.
“Zgjedhja e presidentit duhet të jetë konsensual. Ramë dakord që kalendari të shtyhet. Ishte një dakordësi që ishte marrë paraprakisht me përfaqësues të PDIU. Ka afate të përcaktuar 24 maj duhet të jetë përfundimi i procesit. Duhet një fillojë një proces nga data 10”,-tha Mediu.
Kujtojmë se Balla kishte propozuar që Konferenca e Parë të mbahej në 29 prill, por opozita e përfaqësuar nga Mesila Doda dhe Fatmir Mediu kërkuan më shumë kohë për negociata, e për pasojë u ra dakord shtyrja e Konferencës së Kryetarëve ne 4-5 maj./Opinion.al
