Paraditen e sotme Presidenti Ilir Meta ka zhvilluar një takim me opozitën e bashkuar.
Takimi nisi në orën 09:00- 10:00 dhe u zhvillua në rezidencën presidenciale ku krijon mundësinë e distancimin social duke qenë se vendi është edhe në gjendje të fatkeqësisë natyrore për shkak të COVID-19.
Bëhet me dije se LSI-ja u përfaqësua nga nënkryetari, Petrit Vasili dhe jo kryetarja, Monika Kryemadhi. Në fokus të këtij takimi medohet se kanë qenë tema të aktualitet politik si Reforma Zgjedhore, për të cilën opozita ka deklaruar se do ta bojkotojë, shembja e Teatrit për të cilën kreu i shtetit ka qenë kundër dhe nuk i ka kursyer akuzat për qeverinë.
Pas takimit, Basha është shprehur se me Metën ka diskutuar në lidhje me situatën aktuale politike si dhe për shembjen e Teatrit Kombëtar.
“Shembja e Teatrit është prova e fundit e një hajduti ordiner që i vjedh, i varfëron, dhe i dhunon shqiptarët. Me çdo ditë që kalon, RAMAVIRUSI i bën dhe më keq njerëzve dhe vendit. Ai është sot armiku i mirëqenies së shqiptarëve. Gjatë takimit të koalicionit opozitar me Presidentin Meta diskutuam për krizën dhe rrugëdaljen prej saj: shqiptarët do të shpëtojnë kur, të bashkuar kundër së keqes, do t’u drejtohen kutive të votimit me te gjitha garancitë për zgjedhje të lira dhe të ndershme”,-shprehet Basha.
Takimi vjen vetëm pak orë pas protestës së Aleancës ku morën pjesë edhe përfaqësues të opozitës me në krye kryedemokratin Lulzim Basha dhe kryetaren e LSI-së, Monika Kryemadhi./ Opinion.al
