Kryeministri Edi Rama zhvilloi ditën e sotme një takim me drejtorin e ri për Europën Qendrore e Jugore në Departamentin Amerikan të Shtetit, David Kostelancik.
Pas takimeve me krerët e partive kryesore të opozitës, Kostelancik shkoj në orën 17:00 në zyrën e kryeministrit dhe zgjati mbi një orë.
Më herët Kostelancik takoi kreun e PD, Lulzim Basha në fokus ka pasur dhënin fund të pandëshkueshmërisë së politikanëve, rikthimin e Sundimit të Ligjit, dhënien fund të kapjes së shtetit dhe korrupsionit si dhe forcimin e partneritetit strategjik të Shqipërisë me SHBA.
Zyrtari amerikan u prit edhe nga kryetarja e LSI-së, Monika Kryemadhi, e cila vuri theksin te domosdoshmëria e zgjedhjeve të lira.
“Shqipëria ka nevojë kritike për hapjen e negociatave në tetor. Hapja e negociatave është e kushtëzuar vetëm me zgjedhje të lira e të ndershme. Për këtë arsye, zgjedhjet duhet të zhvillohen sa më parë dhe me standarde, pasi kjo është e vetmja rrugë për integrimin evropian të Shqipërisë”, u shpreh kryetarja e LSI Monika Kryemadhi në lidhje me krizën aktuale politike e institucionale që ka përfshirë vendin.
Kreu i Kuvendit Gramoz Ruçi vuri theksin gjatë bisedës me Kostelancik tek reforma në drejtësie, e cila sipas tij nuk do ishte e mundur pa mbështetjen e SHBA.
Sipas zyrës së shtypit të Kuvendit zyrtari i lartë i DASH nënvizoi se SHBA e konsideron Shqipërinë një aleat strategjik, ndërsa e ka vënë theksin te reformat./ Opinion.al E.Xh.
