Bashkia Pustec në qarkun e Korçës, ka qenë e para që ka nisur procesin e numërimit të votave. Ndërkohë nga 7 qendrat e votimit që ka kjo bashki, mësohet se tashmë në njërën prej tyre numërimi ka përfunduar. Është fjala për fshatin Kallmas, ku rezulton se PS ka fituar 118 vota, PD 114 vota dhe LSI 17 vota.
Njëkohësisht numërimi i votave ka nisur tashmë edhe në qarkun e Gjirokastrës, në bashkinë Memaliaj si dhe në qarkun e Beratit, në bashkinë e Poliçanit. Sipas KQZ, fillimisht do të bëhet numërimi i votave vetëm për subjektet e më pas kutitë do të numërohen sërish edhe për kandidatët./Opinion.al
