Kryesia e Partisë Socialiste është mbledhur sot për herë të fundit për këtë vit.
Takimi u thirr nga kryeministri Edi Rama një ditë pas mbledhjes së qeverisë në Golem.
Kryesia vendosi që Kongresi i Partisë Socialiste të mbahet më 29 shkurt të vitit të ardhshëm.
Fokusi i mbledhjes ka qenë tek zgjedhjet e brendshme të partisë dhe organizimi i strukturave të saj. Po merren në shqyrtim kandidaturat për kryetarë të degëve, ku për secilën degë bashkie, ka nga dy ose më shumë emra për kryetar.
“Do të zbatojmë një normë të re organizimi në PS”, tha Rama në përfundim të mbledhjes.
Temë diskutimi ka qenë dhe vakancat në tre Bashki të vendit të cilat nuk kanë kryetarë të zgjedhur. Në lidhje me to kryeministri tha që situata do të zgjidhjet nëpërmjet zgjedhjeve por pranoi se “nuk ka asnjë komunikim me presidentin”.
“Situate post zgjedhore karakterizohet nga një inerci historish dekrete zhdekretesh. Përsa i përket Shkodrës nuk ka një vendim dhe për fat të keq Shkodra është më keq në këtë pikëpamje.”, shtoi Rama.
Sa i përket krizës politike, kryeministri deklaroi se mungesa e Partisë Demokratike në Kuvend ka qenë zgjedhje e tyre që nuk i ka bërë mirë jetës politike por që nuk e ka bllokuar procesin ligjvënës.
“Mendoj që vendi nuk ka vakum për arsye se kuvendi funksionin, reformat po i çojmë para. Do I japim një fazë të re procesit gjatë gjysmës së dytë të mandatit. Mungesa e PD në parlament nuk e ka bërë më të mirë jetën politike të vendit por nuk e ka cenuar deri në atë pikë sa të mos funksionojë.”
Rama theksoi se “të gjitha idetë për reformën zgjedhore janë legjitime” por ajo që nuk diskutohet sipas tij është “implementimi i osbe odihr, këtu s’kemi çfarë diskutojmë por thjesht duhet të bëjmë implementimin e rekomandimeve. Padiskutim në zgjedhjet e ardhshme do të kemi komisione zgjedhore të depolitizuara.”, tha ai.
Çështjen e amnistisë së grave dhe shpërblimit të pensionistëve, Rama tha se do të shqyrtohen në mbledhjen e sotme të qeverisë.
Sot në mbledhjen e qeverisë do të marrin këtë vendim (amnistia). Unë doja një amnisti totale për gratë por jam minorancë në këtë proces. Nuk e dimë sot se sa ndihmë do të marrim, jemi në një fazë që nuk duam të cënojmë prioritetet. Nuk duam të shpenzojmë para muajit shkurt. /Opinion.al
