Ka përfunduar mbledha e Grupit Parlamentar të Partisë Demokratike.
Është bërë me dije më herët se tema diskutimi kanë qenë disa çështje si pandemia e Covid-19, tërmeti dhe kriminaliteti në vend, çështje këto që PD pretendon se socialistët kanë dështuar.
Gjithashtu, në fokus të mbledhjes së Grupit Demokrat do të jetë seanca e nesërme plenare, e cila pritet të miratojë qeverinë e re dhe programin qeverisës “Rama3”.
Kujtojmë se seanca e nesërme do të nisë në orën 10:00 dhe do të jetë e ndarë në tri faza, ku në fazën e parë do të bëhet prezantimi i programit qeverisës të qeverisë “Rama 3”, në fazën e dytë, e cila është parashikuar të nisë në orën 13:00, do të ketë pyetje nga deputetët dhe diskutime e debate, ndërsa faza e fundit, e parashikuar në orën 14:00, përfshin votimin e qeverisë dhe programit “Rama 3”./Opinion.al
