Segmenti rrugor Qafa e Qarrit në Mollas pjesë e aksit Korçë-Ersekë ka përfunduar. Lajmin e ka dhënë kryeministri Edi Rama në një postim në rrjetin social “Facebbok”, ku dhe ka publikuar pamjet.
Kreu i qeverisë shkruan se ky aks do të jetë në përdorim shumë shpejt për banorët e zonës dhe turistët.
“Mirëmëngjes dhe me segmentin rrugor të përfunduar nga Qafa e Qarrit në Mollas, pjesë e aksit Korçë-Ersekë ku aktualisht po jepet dora e fundit me vendosjen e sinjalistikës rrugore, për t’u vënë në përdorim të plotë shumë shpejt për banorët e për vizitorët në rritje të përvitshme të asaj zone magjepsëse, ju uroj një fundjavë të mbarë”, shkruan Rama.
