Pasi ka biseduar me 3 banorët e “5 Majit”, kryeministri Edi Rama ka dalë në një prononcim për mediat.
Kryeministri siguroi publikisht banorët që nuk do të mbeten në rrugë dhe se do të marrin të gjithë shtëpi.
Rama tha se edhe banorët që nuk i kanë banesat e legalizuara do të trajtohen njësoj si ata që humbën banesat e tyre nga tërmeti.
“Kemi pasur një bisedë intensive dhe faktikisht unë kam sqaruar atë që ka qenë e vërteta qysh ditën e parë por e vërteta këtu i ka të vështira rrugët, sepse ka shumë pengesa dhe devijime të qëllimshme. Fakti është që për të gjithë banorët qoftë të zonës së “5 Majit”, të Unazës të cilët janë të ndarë në dy kategori do të ketë një trajtim të dinjitetshëm njerëzor solidar njësoj siç u bë me të gjitha ata që humbën shtëpitë nga tërmeti.
Ata që janë me certifikatë nuk kemi çfarë diskutojmë, zgjedhja është e qartë, ose dëmshpërblim financiar ose kompensim me këmbim që ata të marrin më shumë seç kanë. Për ata që janë pa letra, qasja është solidare, nuk është nxjerrje në rrugë. Unë ja tregova të gjitha procedurat. Shtëpia që është pa leje, prishet dhe familja merr kompensimin me shtëpi njësoj si ata që mbetën pa shtëpi nga tërmeti. Deri në ditën e marrjes së shtëpisë paguhet nga shteti bonus qiraje për familjet”,-tha Rama./Opinion.al
