Ministri i Brendshëm Sandër Lleshaj tha se janë më shumë se 1500 pasuri që presin të verifikohen përmes OFL. Gjatë një interviste televizive, Lleshaj tha se akti normativ për veprimtarinë e OFL do të shtyhet, në mënyrë që gjykata të ketë mundësinë të veprojë.
I pyetur në abc news, lidhur me rastin e pronave të Lulzim Berishës dhe kthimin që ju bë atyre, Lleshaj tha se vendimi për to ka të bëjë me gjykatën administrative.
Më thuaj sa e suksesshme ka qenë OFL?
Janë mbi 1500 pasuri të cilat presin radhën për vendimin përfundimtar.
Keni frikë se do i kthejë gjykata?
Jo, nuk kemi frikë nga gjykata, GJKKO ka kaluar procesin e vettingut dhe jemi të bindur se provat e paraqitura nga policia është i asaj natyre, sa është e pamundur të kemi surpriza negative.
Po rasti i Lul Berishës, që janë rikthyer?
Jo, nuk janë kthyer provat që kanë qenë subjekt i OFL-së është histori tjetër që ka të bëjë me gjykatën administrative të Durrësit. Nuk besoj se kemi surpriza negative. Janë 1500 pasuri që presin vendimin e gjykatës.
Ka gjasa që të legalizohen këto pasuri?
Nuk besoj. Ka anomali të madhe të padiskutueshme, nuk ka asnjë gjykatë që ta injorojnë këtë.
Po cfarë bëhet me njësinë “Fast”?
Janë disa njësi të reja që janë shtuar. Njësia “K” ka për detyrë kapjen e personave që i janë shmangur drejtësisë. Për 30 vitet e fundit janë shmangur mijëra vetë, detyra e kësaj njësie është kërkimi, dhe ka filluar nga puna. Janë qindra raste të kapura nga kjo njësi për llogari të drejtësisë sonë.
Ju kishit një objektiv me OFL-në, do ta shtyni?
Akti Normativ do të shtyhet që gjykata të ketë mundësi të përfundojë vendimmarrjen, ndërkohë që policia do ta mbyllë deri në fund të dhjetorit volumin kryesor të punës.
