Një çerdhe është përfshirë nga flakët mëngjesin e kësaj të hëne në qytetin e Fierit.
Tv klan raporton se zjarri ra në çerdhen numër 4, në lagjen 15 Tetori të këtij qyteti, e cila frekuentohet nga 33 fëmijë.
Mësohet se janë evakuuar fëmijët dhe fatmirësisht nuk ka të lënduar. Ndërkohë për të bërë të mundur neutralizimin e flakëve në vendin e ngjarjes ka shkuar shërbimet zjarrfikëse dhe policia.
Shkak për rënien e zjarrit është bërë një shkëndije elektrike tek kutia e limitatorit. Dyshohet paraprakisht se kjo shkëndijë elektrike mund të ketë ndodhur për shkak të ndezjes së pajisjeve ngrohëse, por edhe nga amortizimi i godinës.
Policia po vijon hetimet për të zbardhur rrethanat e ngjarjes./Opinion.al
