Është përfshirë nga flakët një traget në Filinipe, me rreth 250 pasagjerë dhe ekuipazh, 31 nga të cilët kanë ndërruar jetë.
Ngjarja ka ndodhur ditën e mërkurë në bregun e Basilanit në Filipine, ku sipas njoftimit të Policisë Bregdetare trageti ishte nisur për në qytetin Jolo dhe është përfshirë nga flakët gjatë mesnatës, pa arritur ende në destinacion.
Shumë prej të shpëtuarve janë hedhur nga trageti MV Lady Mary Joy 3 në kulmin e zjarrit, të cilët janë ndihmuar nga roja bregdetare, një traget tjetër dhe peshkatarët vendas. Trageti i djegur u tërhoq në bregun e Basilanit, ndërkohë autoritetet më vonë kanë zbuluar 18 trupa të tjerë në kabinën e pasagjerëve.
“Këto viktima humbën jetën në bord për shkak të zjarrit,” tha Guvernatori. Ai bën me dije se të paktën 23 pasagjerë u plagosën dhe u dërguan në spital. Disa nga pasagjerët kanë shpëtuar sepse kanë dëgjuar zhurmat e shkaktuara nga zjarri e të tjerë janë hedhur nga anija”, thotë ai.
Përpjekjet e kërkim-shpëtimit po vazhdojnë ende për pasagjerët që raportohen të zhdukur.
Ndërkohë sipas kontrollit të bërë nga autoritet përkatëse ende nuk bëhet e qartë se nga çfarë u shkaktua zjarri./Opinion.al
