Një automjet mësohet të jetë përfshirë nga flakët mbrëmjen që lamë pas në Vlorë.
Sipas njoftimit të policisë personi me iniciale F.E ka tentuar të ndezë makinën tip “Lançia” në pronësie të tij, e cila u përfshi nga flakët.
Në vendngjarje kanë mbërritur menjëherë policia dhe forcat e shërbimit zjarrfikës. Sipas hetimeve paraprake dyshohet se djegia e mjetit ka ndodhur për shkaqe aksidentale.
Njoftimi i Policisë:
Rreth orës 21:40, në lagjen “10 Korriku” Vlorë, shtetasi F.E duke tentuar të ndizte mjetin tip “Lançia”, ka konstatuar se mjeti u përfshi në flakë.
Menjëherë është njoftuar shërbimi zjarrfikës dhe policia të cilët kanë shkuar në vendngjarje.
Nga hetimet paraprake dyshohet se mjeti është djegur për shkaqe aksidentale./Opinion.al/
