Një automjet është përfshirë nga flakët këtë pasdite në autostradën Tiranë – Durrës.
Makina, një Alfa Romeo me targë TR 3661 L, është gjetur në flakë në afërsi të Kasharit.
Burimë paraprake thonë se drejtuesi i mjetit është larguar nga vendngjarja. Mbetet e paqartë se kujt i përket ky automjet, ashtu sikurse edhe arsyeja e përfshirjes nga flakët.
Aktualisht në vendngjarje ndodhet grupi hetimor dhe po punon për identifikimin e pronarit të mjetit, si dhe zbardhjen e rrethanave të kësaj ngjarjeje.
