Një makinë në ecje është përfshirë nga flakët në aksin Korçë-Pogradec, në afërsi të Maliqit. Policia bën me dije se pasi është furnizuar me gaz në nje pikë karburanti, makina është përfshirë nga flakët duke shkaktuar panik te drejtuesi dhe pasagjeri.
Ndërkohë mësohet se këta të fundit kanë mbetur plagosur dhe janë dërguar drejt spitalit për mjekim.
Drejtuesi dhe pasagjeri kanë marrë djegie në trup por nuk dihet ende gjendja e tyre shëndetësore.
Maliq/Informacion paraprak
Më datë 01.09.2021, rreth orës 07:20, në fshatin Vloçisht, Maliq, ka rënë zjarr në një automjet në ecje, i cili sapo ishte furnizuar me lëndë djegëse (gas) në një karburant në afërsi të këtij fshati.
Për pasojë kanë pësuar djegie, drejtuesi dhe pasagjeri të cilët u dërguan për mjekim në Spitalin e Korçës.
Shërbimet e zjarrfikëses, kanë bërë të mundur fikjen e zjarrit. Grupi hetimor po punon për zbardhjen e rrethanave të ngjarjes./Opinion.al
