Një lokal është përfshirë nga flakët e zjarrit në qytetin e Durrësit. Ngjarja ka ndodhur në orët e para të mëngjesit, ndërsa Klan News raporton se lokali është në pronësi të babait të këngëtarit Rigels Rajku, i njohur si Noizy. Policia njofton se si pasojë e zjarrit ka vetëm dëme materiale.
Njoftimi i policisë
Në orët e para të mëngjesit të sotëm, në lagjen Nr. 1 të Durrësit ka rënë zjarr në lokalin në pronësi të qytetarit me iniciale B. R.
Policia njofton se si pasojë e zjarrit ka vetëm dëme materiale.
Grupi hetimor në bashkëpunim me Prokurorinë, vijon punën për sqarimin e rrethanave të këtij rasti, si dhe për përcaktimin e shkakut të rënies së zjarrit.
