Dy persona kanë mbetur të lënduar, pasi një banesë në bulevardin “Zogu I” në Tiranë, është përfshirë nga flakët.
Ngjarja ka ndodhur në banesën e 55-vjeçarit me iniciale B.R. Për pasojë, është lënduar vetë pronari dhe B.R. 78 vjeç.
Policia njofton se të lënduarit janë dërguar në spital dhe ndodhen jashtë rrezikut për jetën.
“Më datë 22.02.2022, në bulevardin “Zogu I”, ka rënë zjarr në banesën e shtetasit B. R., 55 vjeç dhe si pasojë e zjarrit janë dëmtuar shtetasit B. R., dhe shtetasja B. R., 78 vjeç, të cilët ndodhen në spital nën kujdesin e mjekëve, jashtë rrezikut për jetën. Vijon puna nga grupi hetimor për zbardhjen e rrethanave të ngjarjes dhe përcaktimin e shkakut të rënies së zjarrit”, njofton policia./Opinion.al
