Është përfshirë nga flakët mëngjesin e sotëm një banesë në fshatin Rrile të Lezhës. Sipas informacioneve dyshohet se shkak i zjarrit të jetë bërë një shkëndijë elektrike. Ndërkohë grupi i ekspertëve të Policisë së Shtetit së bashku me specialistët e shërbimit të MZSH po punojnë për të përcaktuar shkaqet e plota e zjarrit.
Banesa është 1 katëshe dhe fatmirësisht asnjë nga familjarët nuk ka marrë lëndime, pasi kanë arritur të dalin në kohë jashtë. Sipas raportimeve nga vendngjarja, zjarri ka djegur gjithçka, orendi e pajisje që ka pasur në banesë.
Pavarësisht ndërhyrjes së shpejtë të forcave zjarrfikëse, ka qenë e pamundur që të parandalohet djegia e plotë e kësaj banese.
