Një apartament në lagjen “Kadri Qystri” Lushnjë është përfshirë nga flakët.
Mësohet se zjarri ka rënë në katin e katërt, brenda një banese si pasojë e lënies ndezur të sobës së gazit për gatim.
“Rreth orës 09:30 në banesën e shtetasit N. D., në katin e katërt të një pallati, në lagjen “Kadri Qystri”, dyshohet se si pasojë e lënies ndezur të sobës së gazit për gatim, banesa është përfshirë nga flakët.
Nga zjarri janë shkaktuar vetëm dëme materiale.
Nga ndërhyrja e shërbimeve të Policisë dhe atyre të zjarrfikëses është bërë e mundur shuarja e flakëve”, njofton policia.
Grupi hetimor vijon punën për sqarimin e rrethanave të rastit.
