Një magazinë e një fabrike pijesh është përfshirë në zjarr në Libohovë. Si pasojë e flakëve ka vetëm dëme materiale.
Zjarri është regjistruar mesditën e sotme në mjediset e fabrikës, në aksin rrugor Sofratikë-Libohovë.
Shërbimet zjarrfikëse të bashkive Libohovë, Gjirokastër dhe Dropull kanë ndërhyrë për shuarjen e zjarrit.
Flakët kanë dëmtuar mjediset e magazinimit ku ndodheshin materiale ambalazhi dhe druri ndërsa nuk janë përhapur në mjediset e brendshme të fabrikës.
Dyshohet se shkak i zjarrit kanë qenë lëndët e para kimikate që janë vetëndezur si shkak i temperaturave të larta.
