Një zjarr i përmasave të mëdha ka përfshirë një hotel në qytetin e Bilishtit.
Mësohet se zjarri ka rënë në katin e tretë të hotelit dhe për fat të mirë ka vetëm dëme materiale.
Paraprakisht dyshohet se zjarri mund të ketë rënë për shkaqe aksidentale, ndërsa grupi hetimor po punon për zbardhjen e shkakut të rënies së zjarrit.
Forca të shumta zjarrfikëse ndodhen në vendngjarje dhe po punojnë për shuarjen e flakëve, ndërsa është bërë evakuimi i personave që ndodheshin brenda godinës.
“Zjarr në një hotel në Vranisht të Bilishtit. Në vendngjarje efektivë të zjarrfikësve shuarjen e flakëve. Për ndihmë u nisën edhe zjarrfikëse nga Korça. Paraprakisht mësohet se kanë dalë të gjithë personat që ndodheshin në hotel, por raportohet për shumë dëme në ndërtesë dhe orenditë. Flakët janë ende prezent, po ndërhyhet nga zjarrfikëset, ndërkohë edhe policia ndodhet në vendngjarje”, njofton policia.
