Policia e Vlorës njoftoi se ka arrestuar dy persona, pasi në bashkëpunim me njëri-tjetrin kanë vjedhur portofola të qytetarëve.
Në pranga kanë rënë, 53-vjeçari A.T. i dënuar më parë për vjedhje dhe 52-vjeçari E. P. i dënuar më parë për falsifikim dokumentesh, të dy banues në Fier.
Policia njofton se nga puna hetimore e kryer prej afro 2 muajsh, ka rezultuar se të arrestuarit janë autorë të dyshuar edhe për kryerjen e 7 vjedhjeve të tjera në qytet.
Vjedhjet kryheshin kryesisht në ambiente ku ofroheshin shërbime publike, me qëllim që të përfitonin nga grumbullimi i njerëzve./Opinion.al
