Ministrja e Arsimit, Ogerta Manastirliu në një raportim për mediat pas përfundimit të mbledhjes së Këshillit të Ministrave, tha se nga rritja e pagave do të përfitojnë 30 mijë punonjës të sistemit arsimor.
Manastirliu bëri me dije se paga e mësuesve do të rritet me 18 mijë lekë të reja, duke e çuar pagën mesatare në 950 euro.
Gjithashtu ajo tha se nga rritja e pagës do të përfitojnë edhe punonjësit e shërbimit psiko-social dhe oficerët e sigurisë në shkolla.
“Dua të ndaj me ju, por mbi të gjitha më mësuesit një lajm të mirë sa i përket rritjes historike të pagave për mësuesit ,e cila fillon nga një korriku.
Një rritje e pagave që do përfshijë 30 mijë punonjës në sistemin tonë arsimor, duke qenë kjo rritje më madhe e pagave.
Paga mesatare e mësuesve rritet me 18 mijë lekë të reja, duke e çuar pagën mesatarë në 950 euro”,-tha ministrja.
