Sokol Sinomati, i njohur ndryshe si “Buzëderri”, babai i të riut Gëzim Sinomati, i cili u ekzekutua në janar në Vlorë, është një nga personat që përfitoi nga amnistia penale, duke përfituar lirinë të mërkurën.
Mësohet se pak orë pas lirimit, burime bëjnë me dije se blutë e Vlorës kanë shkuar sërish në banesë dhe e kanë arrestuar përsëri.
Sipas Klan News, arrestimi është bërë për shkak se ndaj tij ka një vendim të drejtësisë italiane, që e ka dënuar me 12 vjet burg për trafik droge.
Burimet shprehen se urdhri i drejtësisë italiane kishte pak kohë që ishte në dorë të policisë shqiptare, por nuk dihet pse nuk është ekzekutuar më përpara, ndërkohë Policia e Vlorës ka ndërhyrë pasi Sinomati është liruar.
