Një 37-vjeçar është arrestuar nga Policia e Tiranës pasi akuzohet se përvetësoi nëpërmjet mashtrimit një shumë parash prej 25 000 euro.
Mësohet se në pranga ka rënë Elvis Boka, banues në Tiranë. Po ashtu, polica ka shpallur në kërkim dhe bashkëpunëtorin e tij të identifikuar me inicialet D. R., 35 vjeç.
Elvis Boka dhe D. R., duke qenë të punësuar si administratorë në një subjekt, kanë përvetësuar, nëpërmjet mashtrimit, shumën prej 25 mijë euro, nga një shtetase, me pretendimin se do t’i blinin asaj një apartament.
Materialet i kaluan Prokurorisë, për veprime të mëtejshme.
