Në këtë artikull do ndalemi te jetesa në fshat, pse konsiderohet si më e shëndetshme, në krahasim me jetesën në vendet e urbanizuara.
Intv.al shton se të jetuarit në qytet ka disa avantazhe si: pagesa më e mirë e punës, mjekësia më e sigurt, mundësi edukimi etj. Ndërsa jetesa në fshat ka disa gjëra të tjera pozitive, që vetëm njerëzit që jetojnë në të, mund ta kuptojnë.
1. Marrin ajër të pastër çdo ditë
Jetesa në fshat ju mundëson një ajër të pastër. Sa zgjoheni në mëngjes, mushkëritë tuaja do mbushen më ajër të shëndetshëm.
2. Jetojnë në paqe dhe qetësi
Qyteti është gjithmonë i zhurmshëm, nga trafiku, ndërtimet, fqinjët e shumtë afër etj. Ndërsa në fshat nuk keni pse të shqetësoheni për këto gjëra, sepse qetësia mbizotëron dhe gjumi juaj gjithmonë është i qetë.
3. Hanë shëndetshëm
Intv.al thotë se ushqimet në fshat dihet që janë më të shëndetshme, në krahasim me ato të qytetit. Në fshat i rrisin vet shumicën e ushqimeve që konsumojnë.
4. Nuk harxhojnë shumë
Një ndër gjërat e mira që ka fshati është se nuk shpenzoni shumë, në krahasim me qytetin. Stili i jetesës të bën të kursesh më shumë.
5. Nuk ndihen kurrë vetëm
Në ditët e sotme, njerëzit në qytet jetojnë afër njëri-tjetrit dhe sërish nuk komunikojnë nga jeta e ngarkuar. Ndërsa në fshat njerëzit janë më socialë dhe i ruajnë traditat.
6. Kanë më shumë aktivitet fizik
Jetesa në fshat të bën të jesh më shumë aktiv fizikisht, pasi punët nuk mbarojnë shpejt. Në qytet shumica e punëve është ulur në zyrë dhe aktiviteti mungon, prandaj njerëzit kanë probleme me trupin.
7. Nuk vuajnë për të ndjekur modën e fundit
Në fshat njerëzit janë më praktikë në veshje dhe nuk kanë prioritet veshjen më të fundit të modës. Ata kombinohen me gjërat që pëlqejnë dhe nuk fiksohen pas veshjeve të fundit.
