Janë publikuar emrat e delegatëve që kanë firmosur për Kuvendin e 11 dhjetorit. Firmat janë të disa prej delegatëve të njësisë 3 dhe 6 në Tiranë.
Mësohet se këto firma do të bashkohen me pjesën tjetër të firmave që ndodhen në zyrën e Edi Palokës, në selinë blu.
Bëhet e ditur se tek njësia 6 kanë firmosur 65 delegatë për Kuvendin, përfaqësuesja lexoi 58 për shkak se 7 prej tyre nuk dëshiruan që emrat të bëhen publikë.
“Jemi një pjesë të anëtarëve të njësisë 6 dhe 3, e do të verifikojmë firmat për mbledhjen e kuvendit të datës 11 dhjetor. 80% të delegatëve kanë firmosur, ata kanë kërkuar të jenë publik. Te njësia 6 janë 65 formularë, ne lexuam 58 emra, sepse personat e tjerë nuk duan të bëhen publikë. I kemi telefonuar të gjithë dhe kanë rezultuar 100% të vërteta”,-tha përfaqësuesja./Opinion.al
