Platforma e mesazheve WhatsApp muajin e kaluar lançoi “Stickers”. Kjo paketë që më parë ishte në dispozicion në Facebook Messenger, tashmë mund të shijohet edhe në WhatsApp.
Megjithatë nëse jeni përdorues i një aparati Android, ju mund t’i krijoni vetë ato. Në Android mund të shpalosni kreativitetin tuaj dhe të sajoni çfarëdolloj stickers-ash të dëshironi. Ju mund t’i personalizoni ato me që t’i përshtaten më mirë gjendjes që dëshironi të shprehni.
Kjo risi vjen në sajë të Sticker Studio, një aplikacion pa pagesë, i ndërtuar nga Sven van der Zee. Sven është një ish-praktikant i zhvillimit në TNW.
Stickers-at krijohen lehtësisht duke vendosur foto ose importuar imazhe. Me një mënyrë tjetër thjesht vizatoni pjesën e fotos që dëshironi të transformoni në një sticker. Sticker Studio aktualisht nuk ju lejon të ndryshoni imazhet ose të shtoni efekte, por këto karakteristika janë në zhvillim e sipër.
Aplikacioni gjendet në Google Play, dhe mund të shkarkohet pa pagesë.
