Për minuta të tëra, “Facebook” dhe “Instagram” kanë patur shkëputje të herëpashershme që nuk lejonin disa përdorues që të vijonin normalisht “punën” e tyre në këto dy rrjete sociale.
Lidhur me këtë problem, përdorues të shumtë janë shprehur se drejtimi për në faqen kryesore të “Facebook”-ut tregonte vetëm një mesazh “shërbimi i padisponueshëm”. Njëkohësisht ata patën probleme edhe me publikimin e videove apo fotove.
Gjithashtu edhe përdoruesit e “Instagram”-it zbuluan se shërbimi i uebit nuk hapej, megjithëse aplikacioni duket se po funksiononte.
Ndërkohë ende nuk është e qartë nëse dy ndërprerjet ishin të lidhura, edhe pse ato janë të dyja pjesë e rrjetit të gjerë të kompanive të “Facebook”.
