Një 52-vjeçar ka rënë në prangat e policisë, pasi u kap në flagrancë duke i marrë me anë të mashtrimit, 70 000 euro, një biznesmeni.
Policia bën me dije se 52-vjeçari përdorte rrjetet sociale për t’iu kërkuar shuma të mëdha parash biznesmenëve, pasi iu prezantohej atyre si zyrtar i lartë i një institucioni shtetëror.
Gjatë operacionit policor të koduar “Arkitekti”, oficerët e Policisë kanë arrestuar në kushtet e flagrancës shtetasin Sh. H., 52 vjeç, banues në Tiranë, gjatë kohës që po i merrte shumën 70 000 euro, një biznesmeni, të cilin e kishte mashtruar në komunikimet në rrjetet sociale, duke iu prezatuar si zyrtar i lartë i një institucioni shtetëror.
Shuma 70 000 euro u sekuestrua në cilësinë e provës materiale, së bashku me një automjet dhe një aparat celular.
Nga veprimet hetimore dyshohet se 52-vjeçari ka mashtruar edhe shtetas të tjerë, në komunikimet në rrjetet sociale, duke i kërkuar para atyre, pasi iu prezantohej si zyrtar i lartë i një institucioni shtetëror.
Vijon puna hetimore për dokumentimin e plotë të veprimtarisë kriminale të këtij shtetasi.
Materialet i kaluan Prokurorisë së Tiranës, për veprën penale “Mashtrimi”./Opinion.al
